.

"Өнөөдөр аргын тооллын 19, билгийн тооллын 22 ны харагчин гахай одтой Лхагва гариг нар 8 цаг 04 минутад мандаж, 17 цаг 10 минутад жаргана. Энэ өдөр ихэс дээдэст бараалхах, ном номлох, дуган сүм сэргээх, равнай үйлдэх, лам хуварга болоход өлзийтэй сайн ба газар хагалах, хурим хийх наймаа худалдаа хийх, нохой тэжээх зэрэг үйлэнд харш муу" гэж өнөө өглөө сэрээд телевизээр хэлж байхыг би чих тавин сонслоо. Эрт дээр үеэс улбаалан өнөөг хүртэл үе дамжин ирсэн энэ сүсэг бишрэл нь бид бүгдийн амьдралын салшгүй нэг хэсэг болсон билээ. Бидний эмээ, өвөө, аав, ээж, тэр ч байтугай орчин үеийн залуус бид ч бурхны шашинд сүсэглэж өнгөрсөн, одоо, ирээдүйгээ бүгдийг нь даатгадаг. Насан өөд болсон хүнээ хойд төрөлдөө дахин хүн болж төрөөсэй гэж "Алтан хайрцгийг" нь аль сайн гэж нэрлэгддэг лам хуваргыг залж нээлгэнэ. Одоо эрхэлж буй жижиг бизнес нь сүүлийн сард орлого муутайхан ажиллавал зав гаргаж ганданд очоод кассчин ламд мөнгөө тушаан "Гарзын үүдийг хааж, орлогын үүдийг нээх" шидтэй номыг уншуулна. Удахгүй сургуулиа төгсөх шалгалтаа өгөх гэж байгаа хүүхдээ дагуулан олондоо нэртэй ламынд бараалхаж шалгалтыг нь амжилттай давахын тулд багш руу нь цацдаг элс авна. Энэ бүгдийг эргэцүүлж бодохоор монголчууд биднийг дэлхийн хөгжил цэцэглэлтээс 200 жил хоцроосон Манж гүрний шашны бодлого одоог хүртэл хэрэгжиж ард түмний өөрсдөө шиидвэр гарган ажил үйлээ бүтээх сэтгэлгээг үгүй болгож, хэн нэгнээс хараат амьдралтай, бэлэнчлэх сэтгэлгээтэй болгосоор байгаа гэж би ойлгож байна. Ээ намайг ингэж бодлоо гээд далай багш минь бүү цээрлүүлээсэй "Ум мааний бадми хум"

Манай монголчууд эртнээс багаар ажиллах чадвар их муу байдаг нь бидний өвөг дээдсээс улбаатай байх гэж боддог юм. Дайн тулаанд ганц хүнтэй сэлэм тулж, ганц сумаар байгаа онодог байсантай холбоотой биз. Ялангуяа байнга эвдрэлцэн хаан ширээний төлөө байлддаг байсан болохоор хамтдаа нэгдэж багаар ажиллана гэдгийг бараг мэддэггүй байсан боловуу. Энэ муу чанар нь одоо үр хойч бидний цусанд байгаа юм шигээ. Түүхийн хичээл дээр багаараа нэгдээд юм хийе гэхээр нэг л болж өгөхгүй ганцаараа бие даагаад хийсэн нь илүү амарч юм шиг бодогдох юм. Гэхдээ ингээд хамт олноороо ярилцаж шиидэж багаар ажиллаж сурах нь ирээдүйгээсээ хоцролгүй хөл нийлүүлэн алхахад туслах нь гарцаагүй

Хэн нь ялах бол? хэхэ Татаж аваад сонсоорой http://share.gogo.mn/25703061222981024

Бидний амьдралыг хөдөлгөдөг гол хүчний нэг нь яах аргагүй шатахуун болоод байгаа билээ. "Бензиний үнийг өсгөөд өгвөл ч манай Улаанбаатарын зам түгжрээгүй яг л хурдны зам шиг болох байхдаа" гэж Сайхансамбуугийн өлсөж цангахын гачаалыг амсч үзээгүй хүү нь ярьж байсан гэсэн. Гэтэл шатахууны үнэ нь өсөөд байхад замын түгжрээ нь харин ч эсрэгээрээ нэмэгдээд байгаа ч юм шиг бодогдох боллоо. Үүний шалтгаан юу юум болоо? Хамгийн гол шалтгаан нь гэвэл энэ хувь хувьсгалын ТАКСИ нарт байгаа юм. Юмны үнэ тэнгэрт гарч байгаа энэ үед нийтийн тээвэр ТАКСИ ний үнэ ч гэсэн талыгаад өгсөн. Ийм болохоор шинэхэн тарифаар үйлчилгээ эрхлээд урьдныхаасаа ихийг олох болсон ТАКСИ чид маань машинаа их хотын маань түгжрээнд багтаан нэмэрлэх нь олширсон гэхэд болно. Ер нь тэгээд шатахууны үнэ нэмэгдлээ гээд хорогдож байгаа машин байхгүй байгаа бүгд л нэмэгдсэн шатахууныхаа зөрүүг цаанаа эрхэлж байгаа ажил үйлчилгээнийхээ үнэд шингээчихэж байгаа юм чинь. Ингээд үзэхээр шатахууны үнийн өсөлт унах унаагүй уух ундаагүй яваа ядруухан Монгол иргэдийн маань нуруунд хүнд ачаа болон очиж байна. Монгол минь хэзээ нэг хөгжих юм болдоо үзэх юмсан.

Энэ үгийг хайр сэтгэлтэйгээ учраагүй явахдаа чихнийхээ хажуугаар л сүнгэнүүлчихдэг байжээ. Харин хайрлах, хайрлуулах хүнтэйгээ танилцаж дотносоод ирэхэд түүнийг алдахгүй юмсан гэж хичээж тэмцэх болсон шүү. Залуус бид хайр дурлалд хэтэрхий хөнгөн хийсвэр хандаад байн уу даа гэж бодогддог. ТАТАР хамтлагийн дуунд гардаг даа "Залуус нь телевизээр нүцгэн хүүхний зураг харан хэвтэнэ, Найз охидууд нь барны залуучуудын өвөрт хөлөрнө" гээд л их муухай. Гэхдээ мэдээж монголын бүх залуус ийм биш. Яахав Нэг үхэрийн эвэр доргивол мянган үхэрийн эвэр доргино гэдэг үг шиг тодорхой нэг бүлэг нөхдүүдээс болж "Монголын залуус" гэж хэлэгдэх болсон нь харамсалтай. Амьдралд мөнгө чухал ч Хайр мөнгийг араасаа дагуулдаг юм шүү залуусаа

Эх түүхээ мэдэхийн нэг гол ач холбогдол гэвэл өнгөрсөн үеээ мэдэж өнөө үетэйгээ харьцуулан дүгнэх боломж олгодогт оршиж байгаа юм. Бидний өвөг дээдэс эрт үед Дэлхийг даяар нь донсолгож Дээлээ шүргүүлэлгүй давхиж явсым. Гэтэл орчин үед дээдэс минь дэлхийг донсолгох байтугай дэргэдээ байгаа хөрш улсдаа ч нэр хүнд муутайхан оршин тогтнож байна. Хүннү өвөг минь газар нутгаа тэлэхийн төлөө амь биеэ үл хайрлан тэмцсэн байтал Монголын удирдагчид хар амиа бодон гадныханд газар шороогоо худалдаж байх юм. Бодмоор

Харь газар тэмүүлэлгүй Хар гэртээ хаан Бор гэртээ богд сууя

Эх түүхээ мэдэж Эх орноороо бахархая!